Orchesographie - Enchainements de la gaillarde

ORCHESOGRAPHIE
Enchainements de la gaillarde.

Capriol. Il est temps que me donniez la tabulature des pas de la gaillarde. Arbeau. Il est de tant de gaillardes par escript, que je ne sçay laquelle

choisir pour commencer & y prendre pied: Du commencement que j'apprins à dancer à Poictiers, nostre maistre en sonnoit une qu'il appelloit La traditore my fa morire, de laquelle l'air estoit tenu des plus beaulx entre toutes les aultres gaillardes: Je la vous veulx icy notter en musique.

Air de la gaillarde appellee, La traditore my fa morire.

Capriol. Je tiens ceste air merveilleusement aggreable: A Orleans quant nous donnions des aulbades, nous avions tousjours sur noz Lutz & Guiternez la gaillarde appellee la Romanesque: Mais je la treuvois trop frequentee & triviale: J'en apprins une sur le Luth que je voyois volontiers dancer par mes compaignons, par ce que je la sçavois jouer & chanter, & aussi qu'il me sembloit que les pas y estoient bien marquez, par ceulx qui la dançoient: Elle se nomme Anthoinette: La voicy en musique.

Air de la gaillarde appellee Anthoinette.

Arbeau.

Vrayement l'air de ceste gaillarde Anthoinette est gaillard: Et puis que l'avez en main, nous le prendrons pour en faire le premier pied & fondement de la tabulature des pas & mouvements de la gaillarde. Capriol. Puis que tous les airs des gaillardes se rapportent, ce me sera tout un si vous prenez pied sur la gaillarde Anthoinette, ou sur telle aultre que bon vous semblera. Arbeau. Je commenceray par vostre gaillarde ma tabulature: Puis je vous en donneray d'aultres, pesle mesle, selon qu'elles me viendront en memoire.

Tabulature des cinq pas de la gaillarde, de la quelle les mouvements sont comme au tourdion, fors qu'ils sont faicts plus hault & plus virilement, & en lieu du pied en l'air, le danceur fera des coups de pied ou greves.

Air de la gaillarde Anthoinette.	Mouvements que le danceur doibt faire en dançant la gaillarde.

	Greve gaulche.
	Greve droicte.
	Greve gaulche.
	Greve droicte.
	Sault majeur.
	Posture gaulche.

	Revers.
	Greve droicte.
	Greve gaulche.
	Greve droicte.
	Greve gaulche.
	Sault majeur.
	Posture droicte.
	Et ainsi continuant, en repetant le commencement.

Aultres cinq pas.

	Pied croisé droict.
	Pied croisé droict.
	Pied croisé gaulche.
	Pied croisé gaulche.
	Sault majeur.
	Posture droicte.
	Revers.
	Pied croisé gaulche.
	Pied croisé gaulche.
	Pied croisé droict.
	Pied croisé droict.
	Sault majeur.
	Posture gaulche.
	Et ainsi continuant en repetant le commencement.

Aultres cinq pas.

	Greve droicte.
	Posture droicte sans petit sault.
	Entretaille gaulche causant greve droicte.
	Greve gaulche.
	Sault majeur.
	Posture droicte.

	Revers.
	Greve gaulche.
	Posture gaulche sans petit sault.
	Entretaille droicte causant greve gaulche.
	Greve droicte.
	Sault majeur.
	Posture gaulche.
	Et ainsi continuant en repetant le commencement.

Capriol. Pourquoy avez vous commandé une posture droicte sans petit sault sur la deuxieme minime blanche pour le deuxieme pas? Arbeau. Il fault conjecturer que les danceurs l'ont treuvé ainsi de meilleur grace pour apporter quelque variation delectable, & d'avantage aulcuns en lieu de mettre pour ladite posture les deux semelles à terre, ilz se soustiennent sur le talon du pied devant, & tiennent le genoil dudit pied roide & non lié, disans qu'il à meilleur grace

Air de la gaillarde appellee Baisons nous belle &c.	Mouvements que le danceur doibt faire pour dancer ladicte gaillarde

	Ruade droicte.
	Pied-croisé ou greve gaulche.
	Ruade droicte.
	Entretaille droite causant greve gaulche.
	Sault majeur.
	Posture droicte

	Revers.
	Ruade gaulche.
	Pied croisé ou greve droicte.
	Ruade gaulche.
	Entretaille gaulche causant greve droicte.
	Sault majeur.
	Posture gaulche.
	Et ainsi continuant en repetant le commencement.

Aultre cinq pas.

	Pieds joincts.
	Greve droicte.
	Ruade droicte.
	Entretaille droicte causant greve gaulche.
	Sault majeur.
	Posture droicte.
	Revers
	Pieds joincts.
	Greve gaulche.
	Ruade gaulche.
	Entretaille gaulche causant greve droicte.
	Sault majeur.
	Posture gaulche.
	Et ainsi continuant en repetant le commencement.

Vous pourrez mettre és cinq pas cy dessus, en lieu des pieds joincts des postures. & encore faire lesdites postures non en avant, mais de cousté comme si c'estoit un pied largy. Capriol. Vous commandez de continuer en repetant le commencement: Ainsi faisant on ne feroit qu'une sorte de conq pas en une gaillarde. Arbeau.

Cela se remettra à la volunté du danceur, car s'il veult, en lieu de repeter comme au commencement, il mettra en avant une sorte nouvelle de cinq pas, & ne sçauroit estre que bon d'ainsi le faire, pourveu toutesfois qu'il ayt fait le revers de ses premiers cinq pas: Et si le danceur se treuve pressé, & avoit faulte de place, qu'il ne puisse marcher tout droit, il pourra dancer lesdits cinq pas en ronde, & en tornant son corps tascher à se retreuver planté devant sa Damoiselle. Capriol. Fauldra-il que je dance mes cinq pas allant tout droit, quand la place y sera? Arbeau. Quand je parle d'aller tout droit, j'entends de ne point torner le corps entierement, car sera dancer d'une bonne grace si vous tornez maintenant le cousté droit, maintenant le cousté gaulche devers la Damoiselle, comme si vous vouliez escrimer: La greve droicte desire de monstrer le cousté droit, & la greve gaulche desire de monstrer le cousté gaulche. Capriol. Il m'est advis que par les meslanges des mouvements divers que m'avez figurez, je composerois bien des cinq pas à ma phantaisie. Arbeau. Faire le pourriez certainement: Mais il fault que nottiez qu'il y a des cinq pas appellez cinq pas, parce qu'ils sont mesurez par les mesmes mesures du temps que les cinq pas sont mesurez: Et neantmoins ont plus ou moins de cinq mouvements. Et ceste consideration provient des mesures extendues ou racoursies: Car puis qu'il y a deux mesures ternaires en une cadance, & que lesdites deux mesures tiennent six minimes blanches, dont l'une est convertie en un souspir, restans quatre avec la posture, ils s'ensuyt bien que si on coupe les quatre premieres chacune en deux,

seront huict noires en lieu de quatre blanches, & en adaptant à chacune noire son mouvement, il y aura (avant la posture) huict pas en lieu de quatre, & en tout la posture comprise seront neuf pas.

Air de la gaillarde appelle Si j'ayme ou non, &c.	Cinq pas de deux mouvements que le danceur peult faire en dançant la gaillarde.

	Pieds joincts ou greve droicte.
	Sault majeur, avec capriole.
	Posture gaulche.
	Revers.
	Piedz joincts ou greve gaulche.
	Sault majeur, avec capriole.
	Posture droicte.
	Et ainsi continuant en repetant le commencement.

Voyez vous pas cy dessus, que les pieds joincts ou greve droicte tiennent aultant de temps que trois minimes blanches? & le sault majeur avec la posture contiennent le reste du temps, & pour y parvenir, la quatrieme minime blanche est convertie en souspir, & anticipee pour faire le sault majeur.

Aultre cinq pas de trois mouvements.


	Greve droicte.
	Entretaille droicte causant greve gaulche.
	Sault majeur.
	Posture droicte.
	Revers.
	Greve gaulche.
	Entretaille gaulche causant greve droicte.
	Sault majeur.
	Posture gaulche.
	Et ainsi continuant en repetant le commencment.

Considerez surce que dessus, que la greve tient deux minimes blanches, l'entretaille faisant greve, tient deux aultres minimes blanches, le sault majeur tient le souspir, equipolent à une minime blanche, & la posture le temps d'une aultre minime blanche: Et ainsi tous lesdits cinq pas sont reduits & racoursiz à trois pas, equipolents à cinq.

Aultres cinq pas racoursiz.


	Reverence gaulche.
	Pied croisé gaulche.
	Sault majeur.
	Posture droicte.

	Revers.
	Reverence droicte.
	Pied croisé droict.
	Sault majeur.
	Posture gaulche.
	Et ainsi continuant en repetant le commencement.

Aultres cinq pas racoursiz.

	Pied croisé droict.
	Entretaille droict causant greve gaulche.
	Sault majeur.
	Posture droicte.
	Revers.
	Pied croisé gaulche.
	Entretaille gaulche causant greve droicte.
	Sault majeur.
	Posture gaulche.
	Et ainsi continuant en repetant le commencement.

Capriol. Vous me debvez donner exemple d'une cadance contenant plus de cinq pas de mouvements. Arbeau. Il en est d'une infinité de sortes que vous practiquerez & apprendrez de ceulx de vostre aage, recevez pour le present les sept pas qui s'ensuyvent, qui sont equipolents, & qui se reduysent aux deux mesures ternaires des cinq pas, parce que comme voyez en marge les premiere & troisieme minimes blanches,

lesquelles ne debvroient faire chacune qu'un pas, font chacune deux pas marquez en la tabulature par deux minimes noires: Et notterez que deux minimes noires & une blanche, sur lesquelles le danceur fait deux pieds en l'air & une greve sans petit sault, s'appellent fleuret, tellement que deux fleurets, un sault majeur, & une posture font les cinq pas.

Air de gaillarde.	Mouvements que le danceur peult faire en ceste gaillarde.

	Pied en l'air droict.	Fleuret.
	Pied en l'air gaulche.
	Greve droicte.
	Pied en l'air gaulche.	Fleuret.
	Pied en l'air droict.
	Greve gaulche.
	^[6]
	Sault majeur.
	Posture droicte.
	Revers.
	Pied en l'air gaulche.	Fleuret.
	Pied en l'air droict.
	Greve gaulche.
	Pied en l'air droict.	Fleuret.
	Pied en l'air gaulche.
	Greve droicte.
	^[7]
	Sault majeur.
	Posture gaulche.
	Et ainsi continuant en repetant le commencement.

Dernierement je fuz de nopces, ou jevis faire cinq pas à un jeusne homme qui me semblarent de bonne grace: Il les dançoit ainsi:

Air de la gaillarde appellee La fatigue.	Aultres sortes de mouvements que le danceur doibt faire pour ceste gaillarde.

	Posture gaulche.
	Greve gaulche.
	Tornez le corps à main gaulche à la partie opposite, & faites greve droicte.
	Greve gaulche.
	Sault majeur.
	Posture droicte.
	Revers.
	Posture droicte.
	Greve droicte.
	Tornez le corps a main droicte à la partie opposite, & faictes greve gaulche.
	Greve droicte.
	Sault majeur.
	Posture gaulche.
	Et ainsi continuant en repetant le commencement.

Vous notterez que ces cinq pas augmenteront leur grace, si vous les faictes mignardez.

Tourdion.

Variantes de la gaillarde.

Table des chapitres.

N	I	C	O	L	A	S
http://graner.net/nicolas/ Contacter l'auteur.