Et n'estoyt rien Nembroth¹ en sa tour de Babel lorsqu'elle fust destruite, car ladicte tour estoyt petite et fragile en comparaison de la tour de cet inconsolé Prince, laquelle fust abollie en un instant, toute fortifiée qu'elle fust, lorsqu'il ouyst de la mort de son unique estoille.

Je laisse icy à croyre comment il constellait son luc ² de ses larmes, tant que le veoir semblait que ce fust une grande carraque de cinq cents tonneaux qui fust pleine d'eau salée, laquelle nommons depuys mer d'Italie, pour ce que l'instrument estoyt d'un facteur florentin.

Ho ! Crioit il, Ho ! Le soleil est devenü noir ! Que je suys malheureux, quelle mélancholie ! Me voicy languissant dans la nuict du tombeau ! Ho mon Dieu, que t'avoys-je faict pour ainsi me punir et ne me point consoler ? Rends moi cecy, redonne moi cela, redresse ma tour, fais repousser ma fleur !

Et ce dysant pleuroit comme une vache tout en se promenant sous sa treille, mais quelque foys qu'il en avisa une belle grappe : Seigneur Dieu, faut-il que je me constriste encore ? Foi de gentilhomme, il vaut mieux pleurer moins et boire davantage. Et se versa quelques traits de bon vin rosé : ha ! dict il beuvant plus qu'une esponge. Cestuy rentre dedans les venes, la pissotière n'en aura rien ! Mouillons, hay, il faict beau seicher !

Ce faict, commencza à deviser avec ses compaignons estonnés, disant qu'il avoyt traversé l'Achéron, qu'il avoit veu les diables, avoit salué Lucifer familièrement, et fait grande chère en Enfer, et asseurait qu'il avoit pris un singulier passetemps à veoir les damnés, pour ce que leur etat estoit changé en estrange façon.

Amour estoit pauvre porchier,
Phoebus vendoit les vieux drapeaux,
Lusignan estoit myrallier³,
Biron esgousseur de febves.
La Reine Cléopatra estoit revenderesse d'oignons ; quand elle me veit me donna un baiser au front, sur quoy je la repoussoy car elle avoit la verolle et sentoit le gigot de mouton dessoubz les bras.
Mélusine, la belle sirène, estoit souillarde de cuysine et demouroit dans une humide grotte en triste resverie.
Saincte Nytouche etoit lavandière de buée⁴ et poussoit force soupyrs.
Circé la fée cryoit la lye en un sabot⁵ et ainsi gaignoit sa pauvre vie.

Ce dict , reprit le Prince son luc, et tel Orpheus chanta à pleine voix la chanson :