Orchesographie - Variantes de la gaillarde

ORCHESOGRAPHIE
Variantes de la gaillarde.

Capriol. Qu'appellez vous pas mignardez? Arbeau. Vous ferez les pas mignardez, quand extendrez les cinq minimes blanches en dix minimes noires, & qu'en lieu de faire un pas, en mesme instant, avec son petit sault, vous en ferez deux morceaux, anticipant un peu ledit petit sault sur la premiere minime noire, & incontinent aprés faisant le pas sur la

deuxieme minime noire: Et telles façons de pas mignardez ne sont à la verité que les cinq pas, mais ils ont meilleur grace & sont moins lourds, car en lieu de tumber le corps à plomb d'un coup, on l'assiet en traisnant. Capriol. S'il advenoit que la musique ne continst que des minimes blanches, y pourroit-on adapter des fleurets? Arbeau. Ouy certes, car ymaginant la derniere minime blanche ^[8] estre couppee en deux noires, des deux premiers pas, vous en feriez trois, & faisant le semblable de la troisieme minime blanche, augmenteriez d'un pas, & ainsi vostre cadance contiendroit sept pas & mouvements, comme si la musique y estoit nottee, & ainsi ymaginerez telles recouppes que bon vous semblera, & y appliquerez ou moins ou plus de pas, comme verrez bon estre. Capriol. Le sault majeur & la posture tiennent le temps de deux minimes blanches. En faisant deux minimes noires du souspir, j'en pourrois donc faire encore un fleuret, & par ainsi les deux mesures ternaires seroient accomplies par trois fleurets. Arbeau. Vous avez raison. Mais il n y auroit plus de cadance, & fauldroit faire la cadance sur la quatrieme mesure, & cela s'appelleroit faire un passage, parce que passeriez une cadance pour l'aller chercher plus avant: Et supposé que fissiez aux deux mesures suyvants deux fleurets & une posture. vostre passage en tout contiendroit seize pas, à sçavoir neuf pas pour les trois premiers fleurets, & sept pas pour les deux fleurets, sault majeur & posture de la cadance, en tout seize pas. Et si vous vouliez encor passer & differer vostre cadance jusques à la sixieme mesure ternaire, vostre passage seroit de vingt cinq pas & mouvements. Capriol.

Vous m'avez cy devant dit que le premier passage apréz les cinq pas, se fait d'unze pas sur la quatrieme mesure, & de dixsept sur la sixieme mesure. & de vingt trois sur la huictiesme mesure, & ainsi consequemment comptant six pas pour les deux mesures que l'on passe, & cinq pas pour deux mesures, ou l'on faict cadance. Arbeau. Je le vous ay dit ainsi: Mais cela s'entend quand on dance un pas sur chacune minime blanche: Or est augmenté le nombre des pas, quand nous couppons une minime blanche en deux noires, & que sur chacune minime noire, nous voulons attribuer son pas: Quand aussi les passages sont moindres d'unze, dixsept, vingt trois pas, & quand nous faisons servir deux ou trois minimes blanches à un seul pas, vous vous souviendrez de ce que je vous ay dit, que l'action du danceur est belle, quand le mouvement des pieds accompaigne les battements de la musique, comme vous experimenterez en l'air de la gaillarde appellee la Milannoise que voyez cy dessoubs composee d'un passage d'unze pas extenduz en quinze par cinq fleurets, suyvis de cinq pas racoursis en trois pas. Capriol. Peult-on pas faire des fleurets en dançant la gaillarde, encore que la musique ne porte point de minime blanche couppee en deux minimes noires. Arbeau. Aiseement, en ymaginant ladicte section, encor qu'elle ne soit pas ainsi nottee, & generalement pourrez, ou par escript, ou par ymagination former voz mesures, de nottes entieres ou couppees telles que vouldrez. Capriol. J'attends l'air de ceste Milannoise, & la tabulature des pas &

mouvements qu'il y convient adapter. Arbeau.

Air de la gaillarde appellee la Milannoise.	Mouvements que le danceur doibt faire en dançant la gaillarde.

	Pied en la'ir droit, sans petit sault.	Fleuret.
	Pied en l'air gaulche, sans petit sault.
	Greve droicte.
	Pied en l'air gaulche, sans petit sault.	Fleuret.
	Pied en l'air droit, sans petit sault.
	Greve gaulche.
	Pied en l'air droit, sans petit sault.	Fleuret.
	Pied en l'air droit, sans petit sault. ^[9]
	Greve droicte.
	Pied en l'air gaulche, sans petit sault.	Fleuret.
	Pied en l'air droit, sans petit sault.
	Greve gaulche.
	Pied en l'air droit, sans petit sault.	Fleuret.
	Pied en l'air gaulche, sans petit sault.
	Greve droicte.

	Pied croisé droit, sans petit sault.
	Reverence passagiere droicte, Ou entretaille du droit causant greve gaulche.
	Sault majeur.
	Posture droicte.

	Revers.
	Pied en l'air gaulche, sans petit sault.	Fleuret.
	Pied en l'air droit, sans petit sault.
	Greve gaulche.
	Pied en l'air droit, sans petit sault.	Fleuret.
	Pied en l'air gaulche, sans petit sault.
	Greve droicte.
	Pied en l'air gaulche, sans petit sault.	Fleuret.
	Pied en l'air droit, sans petit sault.
	Greve gaulche.
	Pied en l'air droit, sans petit sault.	Fleuret.
	Pied en l'air gaulche, sans petit sault.
	Greve droicte.
	Pied en l'air gaulche, sans petit sault.	Fleuret.
	Pied en l'air droit, sans petit sault.
	Greve gaulche.

	Pied croisé gaulche.
	Reverence passagiere gaulche, ou entretaille gaulche causant greve droicte.
	Sault majeur.
	Posture gaulche.
	Et ainsi continuant en repetant le commencement.

Capriol. Passons oultre, & me donnez la tabulature de quelque passage d'unze pas. Arbeau. Les passages d'unze pas pouvent estre formez en comptant

& liant ensemble deux cadances de cinq pas, ou equipolents à cinq pas, telles que vouldrez choisir, pourveu qu'en lieu du souspir (sur lequel se fait le sault majeur de la premiere cadance) vous y colloquiez un mouvement, ou bien que convertissiez ledit souspir & la posture suyvante en un fleuret, ou deux pas pour rompre ladicte premiere cadance, & si ne voulez prendre ceste peine, vous vous ayderez de la tabulature suyvante, en attendant qu'en ayez recueillé d'aultres des bons baladins, car l'usage vous en apprendra plus que les preceptes: Et notterez que ces passages d'unze ou plusieurs pas, sont naturellement propres pour les fins des gaillardes, & de meilleur grace, quand on les fait en tornant le corps.

Air de la gaillarde appellee J'aymerois mieulx dormir seulette, &c.	Mouvements qu'il convient faire au danceur pour dancer ladicte gaillarde.

	Ruade droicte.
	Entretaille qui fait greve gaulche.
	Ruade gaulche.
	Greue gaulche.
	Ruade droicte.
	Entretaille qui fait greve gaulche.

	Ruade gaulche.
	Entretaille qui fait greve droicte.
	Ruade droicte.
	Entretaille qui fait greve gaulche.
	Sault majeur pour preparer cadance.
	Cadance en posture droicte.

	Revers du passage precedent.
	Ruade gaulche.
	Entretaille qui fait greve droicte.
	Ruade droicte.
	Greve droicte.
	Ruade gaulche.
	Entretaille qui fait greve droicte.

	Ruade droicte.
	Entretaille qui fait greve gaulche.
	Ruade gaulche.
	Entretaille qui fait greve droicte.
	Sault majeur pour preparer cadance.
	Cadance en posture gaulche.

Il vous fauldra torner deux fois le corps en dançant les unze pas, & aultant de fois en dançant le revers, car un seul tornement de corps ny suffiroit pas.

Aultre passage d'unze pas.


	Ruade gaulche.
	Greve gaulche.
	Ruade gaulche.
	Greve gaulche.
	Position droicte.
	Greve droicte.

	Posture gaulche.
	Greve gaulche.
	Ruade gaulche.
	Greve gaulche.
	Sault majeur pour preparer cadance,
	Cadance de posture droicte.
	Revers du passage precedent.
	Ruade droicte.
	Greve droicte.
	Ruade droicte.
	Greve droicte.
	Posture gaulche.
	Greve gaulche.
	Posture droicte.
	Greve droicte.
	Ruade droicte.
	Greve droicte.
	Sault majeur pour preparer cadance.
	Cadance de posture gaulche.

Air de la gaillarde appellee L'ennuy qui me tourmente, &c.

Mouvements que le danceur doibt faire en dançant la gaillarde.

Aultre passage d'unze pas.


	Greve droicte.
	Greve droicte.
	Ruade gaulche.
	Greve gaulche.
	Posture droicte.
	Greve droicte.

	Posture gaulche.
	Greve gaulche.
	Ruade gaulche.
	Greve gaulche.
	Sault majeur pour preparer cadance.
	Cadance en posture droicte.

	Revers du passage precedent.
	Greve gaulche.
	Greve gaulche.
	Ruade droicte.
	Greve droicte.
	Posture gaulche.
	Greve gaulche.

	Posture droicte.
	Greve droicte.
	Ruade droicte.
	Greve droicte.
	Sault majeur.
	Posture gaulche.

Capriol. Jay (Dieu mercy) assez dequoy m'exercer maintenant en la gaillarde: Toutesfois je vous prie me donner encore une couple de passages, s'il ne vous ennuye.

Aultre passage d'unze pas.


	Ruade droicte.
	Entretaille qui fait greve gaulche.
	Ruade droicte.
	Entretaille qui fait greve gaulche.
	Posture droicte.
	Greve droicte.

	Posture gaulche.
	Greve gaulche.
	Ruade gaulche.
	Greve gaulche.
	Sault majeur.
	Posture droicte.

	Revers du passage precedent.
	Ruade gaulche.
	Entretaille qui fait greve droicte.
	Ruade gaulche.
	Entretaille qui fait greve droicte.
	Posture gaulche.
	Greve gaulche.

	Posture droicte.
	Greve droicte.
	Ruade droicte.
	Greve droicte.
	Sault majeur.
	Posture gaulche.

Aultre passage d'unze pas, la où le sixieme pas est decoupé en deux & le septieme aussi, tellement qu'il y a treize pas pour unze.


	Pied joinct.
	Greve droicte.
	Entretaille qui fait greve gaulche.
	Entretaille qui fait greve droicte.
	Posture droicte.
	Greve gaulche.
	Posture droicte.

	Greve droicte.
	Posture gaulche.
	Greve droicte.
	Greve droicte.
	Greve droicte.
	Sault majeur.
	Posture gaulche.

	Revers du passage precedent.
	Pied joinct.
	Greve gaulche.
	Entretaille qui fait greve droicte.
	Entretaille qui fait greve gaulche.
	Posture gaulche.
	Greve droicte.
	Posture gaulche.

	Greve gaulche.
	Posture droicte.
	Greve gaulche.
	Greve gaulche.
	Greve gaulche.
	Sault majeur.
	Posture droicte.

Pour faire des passages de dixsept pas, il vous fault lier ensemble trois cadances de cinq pas, & rompre les deux premieres: Ou bien liez ensemble un passage d'unze pas avec une cadance de cinq pas, & rompez les cadances, gardant seullement la derniere: Pour faire des passages de vingt trois pas, fault lier ensemble quatre cadances de cinq pas, ou deux passages d'unze pas, & rompre toutes les cadances, fors la derniere: Et ainsi consequemment. Capriol. Cela est bien facile: Jugez si je feray bien ce premier passage d'unze pas. Arbeau. Vous avez bien formé vos pas & mouvements, & estes bien tumbé en cadance, mais quand vous dancerez en compagnie ne baissez point la teste pour contrerooller voz pas & veoir si vous dancez bien: Ayez la teste & le corps droit, la vheue

asseuree, crachez & mouchez peu, & si la necessité vous y contrainct, tornés le visage d'aultre part & usez d'un beau mouchoir blanc: Devisés gracieusement, & d'une parole doulce & honneste, vos mains soient pendants, non comme mortes, ny aussi pleines de gesticulations, & soyés habillé proprement & nettement, avec la chausse bien tiree, & l'escarpin propre. & vous souvenés de ces advertissements, non seullement en ceste dance gaillarde, mais aussi en toutes aultres sortes de dances.
Nous avons assés parlé de la gaillarde, & n'en parleray d'avantage, sinon pour vous dire que pouvez maintenant cognoistre estre facile de decouper le double d'une pavane, en l'extendant par tels mouvements que vouldrez choisir, lesquels seront mesurez par six minimes blanches, un souspir pour le sault majeur & une posture, ou par douze minimes noires, un souspir pour le sault majeur & une posture. Ou par extensions & racourcissements de leurs meslanges, comprenants la mesure du temps que l'on mettroit à former le double que voulés decouper. Il s'est treuvé des personnes si gaillards & si bondissants, qu'ils ont accomodé & approprié plusieurs saults en l'air, & quelquesfois doublé ou triplé lesdits saults, en lieu des cinq pas ou unze pas, & à la fin desdits saults, sont retumbés à la cadance, si bien & proprement qu'ils ont acquis le renom d'estre des plus braves danceurs: Mais il est advenu maintes fois qu'en faisant les souples saults, ils se sont laissez tumber, dont la mocquerie & les risees s'en sont ensuyvies, parquoy les sages ont tousjours conseillé de ne faire tels saults, ou bien de les faire si aisez, que le danceur n'en puisse tumber en cest inconvenient.

Enchainements de la gaillarde.
Suivant

Volte, courante et allemande.

Table des chapitres.

N	I	C	O	L	A	S
http://graner.net/nicolas/ Contacter l'auteur.